برنامج اعادة الملفات المحذوفة easy recovery مع شرح بسيط لاستعماله

افضل برنامج لاسترجاع الملفات هو برنامج ايزي ريكوفري easy recovery
انا جربت البرنامج بنفسي ....بعد مافرمت الجهاز واتلغت كل الملفات....ورجعلي كل الملفات اللي لغيتها ....بس مشكلة البرنامج الوحيدة انه غير معرب ...يعني لو انت حافظ ملفات باسماء عربية ...ماراح تطلعلك الاسماء ....
فكرة البرنامج انه بيعمل عنونة لذاكرة الجهاز....لانه اي ملف تمسحه مايتمسح نهائي ابدا اللا اذا انحفظ ملف تاني في نفس المساحة اللي كان محفوظ فيها في الذاكرة ....
يعني كل اللي بيصير لمن تعمل ديليت لاي ملف انه يلغي العنوان اللي معطيه للملف....يعني كأنه كان بيأشر عليه ويشيل الاشارة منه ....كأنه غير موجود ظاهريا ...بس فعليا مازال موجود....
اهم شي انك ماتحفظ اي ملف على الدرايف اللي تبغى تسترجع منه ملفاتك...لانه ممكن اي ملف تحفظه في نفس الدرايف يتحفظ في مكان ملف محذوف ...وبالتالي يتغير الكود تبعه وماتقدر تسترجعه نهائي بعد كدا ....

رابط البرنامج:
http://rs2.rapidshare.com/files/12752366/erpro.rar

حاشرحلك البرنامج زي ماانا استخدمته...وان شاءالله الاعضاء اللي فاهمين فيه اكتر مني حيفصفصولك هو alt

.....نبدأ:

اول ماتنزل البرنامج ركبه عادي على الجهاز....امشي على خطوات الويزرد كلها ...بعد مايتركب شغل البرنامج حتلاقيه بدا الشكل :

اختار ثاني اختيار من اليسار >>>>>data recovery ....حيطلعلك 6 اختيارات في نفس الصفحة ...اختار منها >>>> advanced recovery كالتالي:

حتطلعلك بوكس تنبيه اضغط اوكي...حيطلعلك ال partitions اللي انت مقسمها...اختار القسم اللي تبغى ترجع ملفاته ...وبعد كدا نكست:

بعد كدا حيبدأ البرنامج يعمل سكان للجزء اللي انت اخترته ويستعيد الملفات ....حياخد تقريبا تلت ساعة حسب حجم الدرايف....بعد مايخلص حيعرضلك الملفات اللي طلعها كالتالي:

حتلاقي على اليمين احد الفولدرات اسمه LOSTFILE دا الفولدر حتلاقي فيه كل الملفات اللي محذوفة....حتلاقي الفولدرات بمسميات دايركتوري مثلا DIR 22 وهكذا...
طبعا لازم تشوف محتويات كل الفولدرات(الدايركتوريز) اللي طلعلك هي البرنامج عشان تشوف الملفات اللي تبغاها وتأشر عليها ...ممكن تستعرض الملفات باختيارها ثم ضغط زر view file موجود في الاسفل في اليمين كما في الصورة السابقة ( طبعا مو كل الملفات اللي يفتحها ..بس الاغلب)

ملاحظة: في الجزء اللي في اليمين حيعرضلك الملفات داخل كل فولدر(دايركتوري) حتلاقي قدام كل ملف condition = حالة الملف والحالات كالتالي:
1- D == الملف حذفته قبل ماتعمل فورمات ...ومازال موجود فعليا في الميموري
2- DX == الملف حذفته قبل ماتعمل فورمات وانحفظ ملف تاني مكانه...غالبا الملفات من دا النوع ماراح تقدر تسترجعها...
3- G ==دي الملفات اللي كانت موجودة قبل الفورمات
وفي رموز تانية بس دي الاهم....ممكن تطلع على الرموز من زر filter option موجود بالاسفل
الصورة التالية حتشرحلك الجزء الاخير من كلامي:

بالنسبة لزر filter option دا فيه خيارات لعرض الملفات المسترجعة...اول خيار تختار حالة الملف المراد استرجاعه....ثم تختار امتداد الملفات (extention of file or file type) اذا تبغى تسترجع ملف وورد doc او صور jpg or bmp .....etc.....وايضا ممكن تختار تاريخ الملفات ...قبل تاريخ معين او بعد تاريخ معين او في يوم معين....وكذلك حجم الملفات....اصغر من حجم معين او اكبر من حجم معين و مساوية لحجم معين....ودا يسهل عليك عملية بحث الملفات ...وسهولة ايجاد الملف المطلوب استرجاعه....صورة البوكس كالتالي:

بعد مايتم اختيار جميع الملفات المراد استرجاعها ....اضغط على زر نكست في الاسفل ...حتطلعلك الشاشة التالية:

قم بتحديد المكان المراد حفظ الملفات المسترجعة به ....مع مراعاة نقطة مهمممممممممممة جدا ....اختار الدرايف الآخر لحفظ الملفات وليس نفس المكان اللذي تريد استرجاع الملفات منه....مثلا لو تبغى تسترجع الملفات من الدي لازم تحفظها في السي ....البرنامج مايسمحلك انك تحفظ الملفات المسترجعة في نفس المكان
بعد ذلك قم باختيار نكست من الاسفل ....وسوف يقوم البرنامج باستعادة الملفات المحذوفة اللتي اخترتها الى جهازك.......يعتمد الوقت حسب حجم الملفات المختارة
ملاحظة مهمة....في حالة الملفات المسماة باللغة العربية سوف يظهر لك البرنامج انه الملف المراد استرجاعه موجود ويطلعلك 4 خيارات ...اختار rename وغيّر اسم الملف واكمل عملية الاسترجاع كالتالي:

ملاحظة...كما ذكرت سابقا جميع الملفات باللغة العربية تقريبا سوف يظهرها لك على انها بنفس المسمى ...وظهور البوكس لايعني انه نفس الملف وانما نفس المسمى فقط

بعد اعادة استرجاع جميع الملفات سوف يظهر لك تقرير من البرنامج للملفات اللتي تم استرجاعها....اذا اردت العودة لاسترجاع ملفات اخرى قم بالضغط على زر back ....اما لو انتهيت من عملية الاسترجاع...اضغط على زر done ...سوف يظهر لك بوكس لحفظ حالة البرنامج والملفات اللي حصل لها سكان....ريح راسك واضغط نو....حيرجعك لاول شاشة من البرنامج
وبكدا اخيييييييييييييييييييييييييييييييييييييي ييييييييييييييييييييييييييييييييرا وصلنا للنهاية...وبالهنا والعافية عليك الملفات لولز
اتمنى انه شرحي البسيط يكون وصلكم المعلوومة ...ويكون كافي لاستخدام البرنامج.....
وأي استفسار ممكن الاعضاء المتميزين في البرامج وشرحها يفيدوكم اكثر مني alt